Shillong, Nailur 08 : Ka Nangkiew Irat ka la ioh ban pynliem da 3-2 kol ia ka Shillong Lajong FC ha ka lympung ialehkai jong ka Shillong Premier League kaba long hynne ka sngi ha madan Third Ground Polo.
Ha ka jingiakhun kaba mar ia ioh ban thep kol dei ka Shillong Lajong kaba ioh thep kol nyngkong lyngba u Ioanis Suchen ha ka minit kaba 14 jong ka kylla step. Hynrei ym slem hadien kane ka Nangkiew ka la ioh ban pynphai noh tang ha ka minit kaba 41 lyngba u Bandhan Nongdhar kaba pynlong artad ia ka jingiakhun ban neh da 0-0 kol ha ka kylla step.
Ha ka kylla miet jong ka jingiakhun ka Nangkiew ka la ioh ban lamkhmat kylla da kaba ioh pynkhih jar ha ka minit kaba 56 lyngba u Rapborlang Marwein. Tang hadien khyndiat minit kata tang ha ka minit kaba 64 ka kynhun ka ïoh ban pynkhih jar biang ha ka minit kaba 64 lyngba u Pynche Tynkan.
Ka jingialehkai ka la nangitynnad shuh shuh namar ka Shillong Lajong ruh ka iakhun tyngeh. Katei ka jingiakhun kam shym la lehnohei namar tang ha ka minit kaba 85 ka la ioh pynphai lem shi kol ha ka minit 85 jong ka kylla miet.
Watla baroh arliang ki iakhun tyngeh hynrei tad haduh ban da kut ka por ialehkai ruh ka Shillong Lajong ka khlem lah shuh ban thep kol kaba pynlong ia ka Nangkiew Irat ban khur suk ia ka jingjop da 3-2 kol.
Ka jingiakhun lashai ka sngi pat kan long hapdeng ka Langsning pyrshah ia ka Rangdajied FC ha ka por 3:45baje janmiet.
