Shillong, Nohprah 28 : Ka All India Congress Committee (AICC) hynne ka sngi Balang, kala thaw ia ka Screening Committee na ka bynta ka elekshon MLA 2023 ha Meghalaya, Nagaland bad Tripura.
Ia kane ka Committee la pynbna da u President uba la thung ia uGuarav Gagoi MP kum u Chairman jong ka Committee ha Meghalaya.
Kat kum ka kyrwoh na ka AICC la thung ruh ia u Hibi Eden MP bad Neeraj Dangi MP kum ki Dkhot bad u AICC In-charge Manish Chatrath bad MPCC President ma Vincent H Pala kum ki ex-officio member.
Na ka bynta ka Nagaland, la thung ia u Mohan Prakash kum u Chairman, Sanjay Dutt bad Sankar Malakar kum ki Dkhot bad u Dr Ajoy Kumar AICC in-Charge, K Theria PCC President, Ranajit Mukherjee, AICC secretary i/c kum ki ex-officio member.
Ha kajuh ka por, la AICC kala thung ia ka Deepa Dasmunsi kum ka Chairman ka Screening Committee ka Tripura,l Kamleshwa Patel MLA bad SA Sampath Kumar kum ki Dkhot bad Dr Ajoy Kumar AICC in-charge, Brajit Sinha PCC President, Sudip Roy Barman MLA bad Zarita Laitphlang AICC Secretary i/c kum ku ex-officio member.
