Thang ka Sorkar Assam ia ki droks ba kot palat 40 hajar kilo

0
21

Kyrshan ka BJP Meghalaya ban iakhun pynduhjait ia u drok

Shillong, Risaw 11: Ka sorkar Assam haka jingiatreilang bad ka Narcotics Control Bureau (NCB) jong ki jylla ka thain Shatei Lam Mihngi (North East) kala thang palat 40000 kg ki jait drok.

Ia kane ka jingthang iaki jait drok ha Guwahati la sakhi da u Myntri ka tnat kam pohing u Amit Shah lyngba ka (Video Conferencing).

Haba iadei bad kane, ka Meghalaya Bharatiya Janata Party (BJP) ka pynpaw ka jingkyrshan bad ka kwah ban rat dyngkhong noh ia baroh ki jait drok hapoh ka thain Shatei Lam Mihngi (North East) bad ka ri India baroh kawei.

Ka Meghalaya BJP ka sngew diaw halor ka jingjyllei ki kam khaii bad dih drok hapoh ka jylla namar ki jait drok ki pynjot pynpra iaki ing ki sem.

Dang shen u Myntri ka tnat Labour bah Sanbor Shullai u ba dei ruh u MLA ka South Shillong konstitwensi ula bthah iaki bor ka Shillong Cantonment Board ban pynpra Ia kawei ka Building hapoh ka konstitwensi namar kane ka Building kala kylla ktem dih drok.

Naka liang ka BJP ka pynpaw ruh ka jingkyrshan iaka sorkar Meghalaya ban pynduh pyndam noh iaki jait drok napoh ka jylla bad ka party ka kloi ruh ban iatreilang bad ka sorkar naka bynta ban pynurlong ia kane.