Tinsukia, Risaw 11: Na ka liang u District Magistrate ka Tinsukia ula hukum ban pynlong da ka jingtohkit lyngba ki bor magistrate ha kaba iadei bad ka jingther kuli ki pulit kaba la wanrah ka jingiap jong uwei u suba nongkhaii drok ia uba la tip kyrteng kum u Binod Moran kaba la jia ha kane ka sngi U Blei ba la lah hapoh ka iingsah jong u Madhurjya Gohain uba na Sengapathar kaba hap hapoh Tongona Police Station.
Katkum kane ka hukum, u OC jong ka Tongona PS ha ryngkat ka kynhun pulit jong u kila wan poi ha katei ka iingsah jong u Gohain na ka bynta ban kem ia ki hynriew ngut ki nongkhaii drok.
Hynrei mar ia iohi ia ki pulit, uwei u suba nongkhaii drok u Binod Moran 36 snem rta la ong ba ula pyrshang ban phet krad hadien ba ula shah ther kuli bad khlad noh hashen.
Katba napdeng ki san ngut kiwei pat, sawngut kila shah kem noh bad uwei u la lait phet.Khnang ban lap ia ki jingshisha baroh, na ka liang u Monjit Borkakoty uba dei u additional district magistrate ula shah pynkhamti na ka bynta ban pynlong ka jingtohkit halor kane ka jingjia bad ruh ban phah ia ka kaiphot hapoh ka hynniew sngi.
