Shillong, Jymmang 30 : U Myntri kam jngohkai ka Jylla Bah Paul Lyngdoh ha ka sngi Thohdieng, ula thalain tyngeh ia ki lad pathai khubor ka Ri (national media) ba pynman ia ka Meghalaya kum ka “Jylla ba jyllei ki kam bymman” bad ong ba ia kane ka kam yn sa rah iakren ha ka kyrdan ba dei iakren.
Kane kala mih tang shisngi hadien ba kawei ka kot khubor national media kala pynman ia ka Meghalaya kum ka “jaka ba jia bha ki kam bymman” haba thoh khubor shaphang ka jingjah ki arngut ki shijur na Madhya Pradesh, ha ka jingwan leh honeymoon ha Sohra, kaba bna nam ia ka jingdon ki jaka jngohkai kiba itynnad.
“Ka (kawei na ki kot khubor ka Ri) la khein ia ka Meghalaya kum ka Jylla ba jyllei ki kam bymman hynrei ngim kyndit satia ia kata namar ki national media, kiba bun hi na ki, ki dei kiba peit shiliang pyrshah ia ka thain Shatei Lam Mihngi hynrei ngin sa rah iakren ia kane ha ka kyrdan kaba dei iakren” ong u Bah Paul haba iakren bad ki lad pathai khubor.
“Hynnin ka sngi ha ka por ba nga don ha kawei ka prokram iakop niah lieng kaba la iaid la san sngi, baroh ki riewpawkhmat kiba wan iashimbynta na kylleng ki jaka jong ka Ri kila pynpaw ba kim pat ju iohi ia ka Jylla kaba don shisha ia ka jingkit khlieh, kaba khuid bad ba shongsuk kum ka Meghalaya. Kumta, ka long kaba sngewsih hynrei sa shisien, kane ka pyni ia ka jingpeitkhmat shiliang jong ki pyrshah ia ngi” ula ong.
 ba pynman ia ka Meghalaya kum ka “Jylla ba jyllei ki kam bymman” bad ong ba ia kane ka kam yn sa rah iakren ha ka kyrdan ba dei iakren.){kind=link}