Shillong, Jylliew 28: Ka kynhun kieng atiar Hynniewtrep National Liberation Council (HNLC) ha ka sngi Thohdieng kala kynthoh iaka tnad pulit ka jylla halor ka jingkhot hajir iaki nongialam sengbhalang naka bynta ban tohkit halor ki mat kiba iadei bad ka seng.
Ha ka kyrwoh khubor, u General Secretary bad u Publicity Secretary ka HNLC u bah Sainkupar Nongtraw ula ong, “Haba u Champion Sangma, u DSP barim ka jylla bad katto katne ki pulit kila phet krad na ka kam pulit ban rung ha ka seng GNLA, Ngi lah iohi ba ka sorkar ne ka tnad pulit kam shym la khot hajir ia kiwei pat ki ophisar pulit. Hato ka long kaba dei ba ka tnad pulit kan khot hajir ia u President jong kawei ka sengbhalang, haba don katto katne ki dkhot jong kata ka sengbhalang ki leit pyniasoh sha ka HNLC da ka monsngewbha ka jongki?.
Ula kam,“Ba ki lah ban dei ki dkhot ha ka sengbhalang, kiba lah ban don ka jingiadei bad ngi, hynrei kam mut pat ba katei ka sengbhalang baroh kawei, u President ne General Secretary kin donkti lang. Ngi kum ka kynhun, ngin ym thok lada don mano mano kiba dei ki dkhot kiba shitrhem, la kidei na ka sengbhalang ne kidei ki riewshimet”.
“Kum ka nuksa, u Bah Tarsan Lymba ym shim la donkti ha kaban pynbthei bomb, hynrei ka sorkar kala kem ia u khlem kano kano ka sabut. Haba ki pulit kila shu kem kyllum khlem ka jingdon iaki sakhi satar, ka lah ban ktah ia ka jingmut jingpyrkhat kaba shi rta ia uta u riewshimet” ula pynpaw.
Nalor kane, u nongialam ka HNLC ula ong ba kila don ki jingjia ba ki pulit kila kem ia uwei ba ki suba ba udei u dkhot ka HNLC bad kane kala lam shaduh uta u pud ba ka kurim ka jongu kala khlad noh na ka jingioh ia ka Heart Attack bad une u briew ula shah ktah syndon ha ka bor pyrkhat ka jongu.
“Kaei kaba jia haba ki pulit ki kem bad pynngat khlem ka jingshisha ia u nongkamai jong ka iing ka sem? Lada ka HNLC ka lah ban pynphai kylla da kaba rahbor ne pyniap ia ki nongsyntiat jong ki pulit, hynrie kum ka seng kala kiar ban leh ia katei khlem da don ia ki sabut bad ia ki sakhi satar kiba biang”.
U Bah Nongtraw ula ong, ha ka jaka ban shimkhia ia ka mat kaba iadei bad u droks, hynrei ki pulit bad ka sorkar ka paw kumba kila shu pynlehnohei ia ki jingdon jingem ki jongki da kaba pynngat khlem nongrim bad kem ia ki samla. Ka jingjyllei u droks hapoh ka imlang sahlang ka paw kumba kadei ka skhim be-aiñ jong ka sorkar.
“U Droks udei uba ktah ia u riewshimet bad ia ka imlang sahlang, namar ka lah sha ka jingpynjot ia ka jaidbynriew. Ka paw kumba ka sorkar ka kwah ban bret ia ka pisa ia katei ka jingeh ha ka jaka ban pynbeit noh iaka, ka jaidbynriew ka jong ngi kala shah ieh da kabaryngkoh na kawei ka dingsha kawei pat” ula ong.
 ha ka sngi Thohdieng kala kynthoh iaka tnad pulit ka jylla halor ka jingkhot hajir iaki nongialam sengbhalang naka bynta ban tohkit halor ki mat kiba iadei bad ka seng.){kind=link}