Shillong, Jylliew 28: Ka jing pynkhreh jong ka Balang Umlyngka na ka bynta ka jingiaseng Synod 2025 ka la iaid sha khmat.
Ia kane la sakhi daka jing leit ban jurip ia ka jaka long jingiaseng da u Bah Hamlet Dohling ha ryngkat ki nongialam Balang kiba kynthup u Pastor in-charge CN Kharbuki, ki Tymmen Basan, Rangbah Balang, ubRangbah Shnong u Bah Stephan Lyngdoh, u SDO PWD (NH), JE bad kiwei kiwei.
Ha kane ka jing jurip la iohi ba ka kam ka la sdang ban pynkhreh ia kane ka jingiaseng kala iaid shaid shaid bad la khmih lynti ba tang shu ailad u slap, ka kam kan nang iaid sted ban lah pyndep hapoh ka por.
Haba kren ha kane ka sngi na ka liang u Pasyor CN Kharbuki u la pynpaw ka jing sngewnguh bad ai khublei kyrpang ia u Bah Hamletson uba la shimkhia ia ka kam naduh ba sdang haduh ba ka kam kan da iaid shakhmat.
U Pastor Kharbuki ula ai Khublei kyrpang ruh ia u Rangbah Shnong Bah Stephan Lyngdoh uba la shim khia bad trei shitom ban pynbit pynbiang ia baroh ki jing donkam kiba iadei bad kane ka surok.
Ula ai Khublei kyrpang ia ki Engineer, SDO, JE kiba ka shim khia ia ka kam bad khamtam ia ki trai jaka kiba la ia trei lang bad ka Balang kumjuh ruh bad ka shnong.
Na ka liang u bah Hamletson ula iathuh ba u la shim khia bad trei shitom ia kane ka kam haduh ban da pynioh ia ka mang pisa kaba kot haduh T.5.40 klur bad u kyrmen skhem ba ka kam kan đẹp ha ka por kaba biang.
Ka kam ka la iaid shakhmat hynrei ka jinglong ka mariang ka la pynthut ia ka kam bad ngeit skhem ba tang shu ailad ka mariang un sa kyntu ia ki engineer bad kumjuh ia ki contractor ba kín trei noh.
Na ka liang u Bah Hamletson u la pynpaw ruh ka jingai khublei kyrpang ia u Myntri Rangbah ka Jylla u Conrad K Sangma bad khamtam ia u Symbud Myntri Rangbah u Bah Prestone Tynsong ba khmih iaka tnat PWD kiba la sngap ia ka jing kyrpad ban iarap bad pyn ioh mang tyngka ia ka surok.
