Shillong, Naitung 28 : Ka Sorkar Jylla kala pynkhreh ban pynmih noh ia ka jingpynbna ba kan pyntreikam noh iaki ain kam bymman ba thymmai naduh ka 1 tarik u Naitung.
Haba pyntip ia kane hynne ka sngi thohdieng, u Myntri Rangbah ka Jylla Conrad K Sangma ula ong “Ka Sorkar Meghalaya kala pynmih ia ka jingpynbna paidbah (Notification) ban pyntreikam noh ia ka ain kam bymman ba thymmai”.
Haba pynpaw ba kine ki ain kam bymman ba thymmai kin ym ktah ia ki bor jong ki lai tylli ki ADC ka Jylla, u CM ula ong “Ki ADC kin ym shah ktah satia ha kine ki ain ba thymmai. Ki ain jong ki ADC kin iai treikam kumba ki long bad ka bor jong ki kan iai neh kumba ki long. Ka jingkylli kam mih sati aba kin shah ktah ha kine ki ain ba thymmai”.
