-->

Thalain ka BJP ia ka INC ba pyrshah ia ki Nongkhaii ban sngewlem ia ki lanot Pahalgam

Date:

Share post:

Shillong, Iaiong 28 : Ka Bharatiya Janata Party (BJP) Meghalaya, kala thalain tyngeh ia ka Congress halor ka jingkynnoh ba pyrshah ban pynpaw ia ka jingsngewlem da ki nongkhaii ka Shillong lyngba ka jingkhang khyrdep ia ki dukan ban pynpaw ia ka jingiadon ryngkat bad ki lanot ba iap ha ka jinghiar thma ki lehnoh ha Pahalgam, Kashmir.

Ha ka kyrwoh, ka President ka Mehalaya BJP Morcha Kong Susuki Pariat kala ong “Ha ka por ba ka Ri ka don hapdeng ka jingsngewsih na ka jingpyniap dusmon ia ki lui lui ha Pahalgam, haba ka pyrthei ka shaiong ia ki jingleh tohmet ki lehnoh ha Kashmir, mih pynban ka Congress da ka nongrim ban iaid pyrshah ri sa shisien”.

Kala ong ba ka jingkhang dam ia ki dukan ha Greater Shillong ka dei kaba la leh da ka mon lade, ka kam ban pyni ia ka jing iadon ryngkat bad ki longiing kiba mad ia ka jingduhnoh ia ki baieid bathoin na ki kam lehnoh. Kala ong hynrei ka Congress kala pynjngai ialade na ki jingsngew jong ka Ri haduh u pud ba kam sngew eiei ban pyrshah ia ki kam kiban pynpaw ia ka jingsngewsih jong ka Ri.

Nalor kane, ka kong Pariat kala ong “Kum ki Kynthei ngi sngew ia ka jingpangnud jong ki para kynthei jong ngi kiba hap ban peit markhmat ia ka jingshah siat iap ki kurim ha Pahalgam. Kum ka Ri ngi sngewlyngngoh ba kat kane ka kam, hynrei ka congress kala pyrshah ban pynpaw ia ka jingsngewsih da ki nongkhaii ka Shillong lyngba ka jingkhang dam ia ki dukan da ka mon lade ym ka jingpynbor. Ka jingshisha ba kum kane ka jingpyrshah ka mih na ka Mahila Morcha jong ka Congress, kuba dei ki Kurim bad ki Kmie, ka nang pynsngewsih shuh shuh”.

Share post:

-->
spot_img

Popular

More like this
Related

Arunachal | Leit iuhkjat u Amit Shah hapdeng ki jingiakhih pyrshah ia ka Siang Mega Dam project

Itanagar, Naiwieng 21: U Myntri ka tnat kam poh...

Meghalaya High Court quashes POCSO case, orders compensation for survivor

Shillong, November 21: The Meghalaya High Court has quashed...

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...