Syed Mushtaq Ali Trophy  | Kamai spah ron u Kishan | Pynliem ka Meghalaya ia ka Sikkim da 9 ron

Shillong, Naiwieng 26 : U Kishan Lyngdoh u la lah ban lam khmat ia la ka kynhun da ka jingkamai spah ron (century) bad kane kala iarap ia ka Meghalaya ba kan lah pynliem ia ka Sikkim da 9 ron, ha ka lympung ialehkai jong ka Syed Mushtaq Ali Trophy 2025-26, kaba long ha Pune hynne ka sngi.

Ka Sikkim hadien ba ka la jop ia ka jingkynting pisa (toss) ka la ailad shwa ia ka Meghalaya ba kan wan ba kan tied nyngkong, kaba hangne u Kishan u la lam khmat ia ka kynhun ban kamai 115 ron bad bynrap pat sa ka 63 ron kaba la kamai da u Arpit Bhatewara ban lah ban buh ia ka thong kaba 190 ron hadien ba la hap noh 7 wiket na ki 20 over.

Haba la dei ka pali ban wan beh ia kane ka thong, ka Sikkim ka la lah ba kan kamai 181 ron bad hap noh 4 wiket.

Ha kane ka jingiakhun, ka Meghalaya ka la ialeh kat lah kat iai ban kynjoh sha ka  thong ban kamai 200 ron, hynrei ka jinghap ba khah khah jong ki wiket, ka la khanglad ia ka  bad ban duna da kumba 10 ron ban poi sha kane ka thong.

Wat lada ka Sikkim ka la hap noh tang saw wiket, hynrei ka por ka jinghap pat ka jong ki ka long hapdeng ki khyllipmat kiba ka donkam bha bad katno tam lei lei ban seng ia ka nongrim kamai paralok kaba skhem.

U AB Rajera u la pyrshang ban lam khmat ia ka kynhun ban kamai 36 ron ba la wan na ki 35 tylli ki bol bad u K Sai Satwik 23 ron na ki 23 tylli ki bol bud pat sa u Kranthi Kumar uba la lah ban kamai 66 ron na ki 34 tylli ki bol bad iai neh haduh ba kut ka over ba dba u la ioh ia ka jingkyrshan ba radbah bha na u Robim Limboo uba la lah lem ban kamai 35 ron na ki 18 tylli ki bol, hynrei u la run out noh ha u Himan Phukan.

Ha kane ka jingiakhun, ka Meghalaya kam shim la pyndonkam ne pynrung satia ia kino kino ki player ba na shabar ne ki guest player, hynrei ki bor pyniaid ka MCA ki la aiti bad shaniah skhem beit tang ha la ki jong ki khynnah ialehkai.

Napdeng ki nong kawang bol ka Meghalaya, kiba la ioh ban ia khur ia ki wiket ki long u Himan (1/22), Swarajeet Das (1/25) bad Ram Gurung (1/31).

Ha kaba kut ka jingiakhun, u Kishan u la ioh ban rah ia ka nam Player of th Match, bad ka jingniakhun kaban wan ia ka Meghalaya kan dei la sngi Thohdieng pyrshah ia ka Manipur.