Shillong, Nailar 25 : Kawei ka samla lud ba 17 snem ka rta, kala jah rngai mynta lah 10 sngi na kawei ka dukan ba ka trei bylla, kaba don ha ka shnong Permadan, Eastern West Khasi Hills.
Kane ka samla lud ka kyrteng ka samla Ribaiahun Marngar kaba dei hi na ka shnong Permadan. Kane ka samla kala jah rngai naduh ka 15 tarik Nailar bad la leit ujor sha ki Pulit ka Mairang Police Staton ha ka 18 tarik Nailar.
Kat kum ka jingiathuh u Superintendent of Police ka District, ki Pulit ki suba jur ba kane ka samla kala shah rahbor ha uwei u briew ba kyrteng u Thomborlang Sohphoh uba dei na ka Shnong Umdum bad haduh mynta ym lapdien satia shano ba kine ki arngut ki don.
Ki Pulit kila pynlong ia ka jingtohkit ban lapdien ia kane ka samla lud bad kila register ia kane ka case ha Mairang Police Station hapoh ka kyndon 137(1)(b)(2) BNS, 2023 bad k jingtohkit kala iaid shakhmat.
U pyntip ba kane ka samla lud ka jrong kumba 5 phut bad ka don ia u sniuh uba jrong. Ka phong ia ka blouse rong lieh ba don jingshon da ki khlur, ka jainkyrshah rong ktieh bad ka patlun thoh lain rong lieh rong iong.
La kyrpad ba kino kino kiba don jingtip halor kine ki arngut, ki lah ban pyntip sha ka Ophis lane ha u mobile nombor 6009308959. Ia ki nongai jingtip yn sa buhrieh ia ki kyrteng jong ki.
