Shillong, Rymphang 20: Ka Meghalaya Bharatiya Janata Party (BJP) ka pynpaw ia ka jingsngewsih kaba jur halor ka jingkhlad kyndit jong u MP ka Shillong Parliamentary Seat Dr Ricky AJ Syngkon.
“Ngi sngew kyndit bad sngewsih jur halor ka jingkhlad kyndit jong u Dr Ricky AJ Syngkon Member of Parliament na Shillong” ong u president ka BJP ka jylla u Rikman G Momin.
“Ngi kynmaw ieit ia u Dr Ricky kum uwei na ki riewstad ba paw jong ka Jylla jong ngi, kum u briew uba ju dap da ka jingphuh samrkhie uba ka jingsngewtynnat jong u ka ktah ia baroh” ula ong.
U Dr Ricky u dei uba ngeit ïa U Blei bad u la trei shitom naka bynta ka jingmyntoi jong ki trai ri trai muluk jong ka Meghalaya.
“Ka jingkhlad noh jong u ka la iehnoh ia ka jingthylli ha ka sain pyrthei jong ka Jylla kaba kan long kaba eh ban pyndap” ula ong haba bynrap ban duwai ba ka mynsiem jong u Dr Ricky kan shongthait ha ka jingsuk.
 ka pynpaw ia ka jingsngewsih kaba jur halor ka jingkhlad kyndit jong u MP ka Shillong Parliamentary Seat Dr Ricky AJ Syngkon.){kind=link}