Shillong, Rymphang 20 : Ka Deputy Commissioner bad Chairperson ka District Disaster Management Authority (DDMA) ka East Khasi Hills Kong M Kurkah, kala bthah ia baroh ki jingtei ba don ha District ba ki dei ban leh ia ka Fire Safety Audit bad ban aplai ia ka Fire Clearance Certificate/Fire No Obection Certifcate (NoC).
Ka Deputy Commissioner kala pynmih ia kane ka jingbthah haba iohi ia ka jingnang kiew ka jingpluh iing ha ki Shnong ki Thaw, ki Jaka Iew, ki Jaka Pule bad ki Ophis Building kiba don hapoh ka District.
Kane ka jingbthah ka treikam ia baroh ki jingtei kiba pynlong dukan, ki jaka pule, ki hospital, ki Ophis ka Sorkar bad ki jaka ialum paidbah bad kiwei kiwei. Ka ong ba kane ka sienjam ka dei ka lad jingiada bala shim ban pynduna ia ka jingma na ki jingpluh ding bad ka jingshngain u paidbah.
Halor kane ka jingbthah, baroh ki jingtei la bthah ba kin aplai kloi kat kaba lah ia ka Fire Clearance Certificate/Fire No Obection Certifcate (NoC) lyngba ka Online portal ka Sorkar ha ka investmeghalaya.gov.in lane leit iakren sha ka Ophis u Superintendent of Police (Fire & Emergency Services) ban ioh jingiarap.
Ka District Disaster Management Authority ka kyrpad ia baroh ki kynhun ba don bynta, ba kin ai ka jingiatreilang ba pura bad ki borkhmih khnang ban pynthikna ia ki kyndon jingshngain haba pluh ding bad iada ia ka jingim bad ki nongkynti ha ka Jylla, ong ka DC.
 ka East Khasi Hills Kong M Kurkah, kala bthah ia baroh ki jingtei ba don ha District ba ki dei ban leh ia ka Fire Safety Audit bad ban aplai ia ka Fire Clearance Certificate/Fire No Obection Certifcate (NoC).){kind=link}