Shillong, Jymmang 09 : U Nongialam ka United Democratic Party (UDP) bad Myntri Sorkar Bah Paul Lyngdoh ha ka sngi Thohdieng, ula pynpaw ia ka jingsngewkhia halor ka rai jong ki seng sain pyrthei ba don ha ka Liang Pyrshah ban nym ia donbynta ha ka All Party Committee, kaba thmu ban shong bishar ia ka jingtyrwa ban pyntreikam ia ka project lynti rel ha Jylla.
Kane ka jingkynthoh kala mih hadien ba ka Congress bad ka Voice of the Peaple Party (VPP), kila pynbna ia ki rai jong ki ba kin nym iashimbynta ha ka jingialang an wan jong ka All Party Committee kaba la thaw da ka Sorkar Jylla.
“Kane ka dei ka kam kaba khia haduh katta katta bad kaba ju iakren na ka por sha ka por bad ngi sngew b aka All Party Committee kan dei ka rynsan kaba biang eh naba phi ioh ban iohsngew ia baroh ki jingai jingmut, ki jingkynthoh ba pyrshah bad ki jingkynthoh bym shah liang” ong u Bah Paul haba iakren bad ki nongthoh khubor.
“Hynrei lada mih kum kane ka rai, ngam tip shuh, ka mut ba kine ki jingpyrshang kin pulom bad ngin dang ïai bteng ban don ha ka jingbym lah batai,” u la pynpaw.
 bad Myntri Sorkar Bah Paul Lyngdoh ha ka sngi Thohdieng, ula pynpaw ia ka jingsngewkhia halor ka rai jong ki seng sain pyrthei ba don ha ka Liang Pyrshah ban nym ia donbynta ha ka All Party Committee, kaba thmu ban shong bishar ia ka jingtyrwa ban pyntreikam ia ka project lynti rel ha Jylla.){kind=link}