Gangtok, Nailar 25: Ka Sorkar Sikkim kala shim ia ki sienjam pyrshah ia ka jingbret pathar ia ki jingbam bad ka jingaibam ia ki shrieh da kaba khein noh ia ki kum ka kam ba beain hapoh ka Jylla.
Ka Sorkar kala ong ba ka jingai bam ia ki shrieh lane bret pathar ia ka bam kala pynkha ia shibun ki jingeh ha Jylla bad kaba la nang pynkharoi ruh ia ka jingkajia hapdeng ki shrieh bad ki briew ha Sikkim.
Ka Tnad Forest, Enviornment bad Wildlife ka Sorkar Assam kala pynmih ia ka jingpynbna bad ong ba ki nongpynkhein ia kine ki kyndon kin ngat ha ka kuna ba kot T. 5000.
U Sandeep Tambe, Chief Wildlife Warden ka Sikkim, ula ong ha ka public notice ba pynmih ha ka 19 tarik Nailar ba ki briew kiba aibam ia ki shrieh bad ka jingbret pathar ia ki jingbam kala lam sha ka jingnang kharoi jong ki shrieh hapoh ka Jylla ha kaba ki nongshongshnong ha Sor bad Nongkyndong kila mad ia ki jingeh namar ka jingwan pyndik ki shrieh.
Ha kajuh ka por, ka Sorkar kala kyntu ia ki paidbah ba kim dei shuh ban bret pathar ia ki jingbam jingdih ha ki jaka paidbah.
