Shillong, Nailar 25 : Ka Sorkar Jylla kala ai jingmynjur ia ka jingtyrwa ban pynkylla ia ka Meghalaya Judicial Service Rules, 2006 bad ia ka Meghalaya Higher Judicial Service Rules, 2015.
Haba pyntip ia kane hadien ka rai jong ka Kynhun Myntri, ka Myntri bad Nongaiktien ka Sorkar Kong Ampareen Lyngdoh kala ong, kane ka jingpynkylla ka tyrwa ban pynduh noh ia ka kyndon ban thung ia ki Judicial Officer da ka Commission.
Ka pyntip ba da kane ka jingpynkylla, ka jingthung ia ki Judicial Officer yn leh noh da ka Iingkashari Meghalaya High Court.
Nalor kane, ka pyntip ruh ba ia ka kyntien ‘Guahati High Court’ kaba mih ha kine ki Rules un bujli noh da ka ‘Meghalaya High Court’.
Kane ka jingpynkylla ka tyrwa ruh ban pynkylla ia ka kyrteng ia ka kam jong ki Judicial Officer kat kum ka jingbthah jong ka Iingkashari Supreme Court.
