Shillong, Jymmang 08 : U Symbud Myntri Rangbah bad National Vice President ka National People’s Party (NPP) Bah Sniawbhalang Dhar ha ka sngi Thohdieng, ula ong ba ka party kam pat shim rai ia u kyrtong na ka bynta ka shuki MP Rajya Sabha, hapdeng ka jingnang sawa ka sur jingkyrshan ha ri-lum Garo ia u Myntri barim James PK Sangma.
Haba jubab ia ka jingkylli, u Bah Dhar ula ong ba kam jingeh ia ka jingpynpaw kyrteng, hynrei ula pynshai ba ka party kan sa iakren bniah ia kane ka kam hadien ba kut ka samoi treikam u MP ba mynta.
“Ngin dang ban shim ia ka rai. Ai ba ka samoi jong u kan kut shuwa bad ngin sa ia shong kum ka party” ong u Bah Dhar haba thew sha u MP ka Rajya Sabha ba mynta Dr WR Kharlukhi. “Nga tharai ka samoi treikam jong u kan kut ha u bnai Jylliew hynrei ngam pat thikna bha”.
U Dr Kharluki ula shah jied kum u MP ka Rajya Sabha ha u bnai Jylliew 2020. Ka samoi treikam u MP Rajya Sabha ka long hynriew snem.
Haba kylli la ka jingjied kyrteng ka dei ban leit sha u Nongialam na kano kano ka thain, u bah Dhar ula kyntait ia kane ka jingthmu ban iapyrkhat da ka thain.
“….ngim ju iapyrkhat da ka thain” ula ong haba bynrap “Kaei kaba ka party ka sngew iahap ngin iaid da kata namar ka dei ka rai jong baroh lang ym ka rai jong uwei u briew”.
 Bah Sniawbhalang Dhar ha ka sngi Thohdieng, ula ong ba ka party kam pat shim rai ia u kyrtong na ka bynta ka shuki MP Rajya Sabha, hapdeng ka jingnang sawa ka sur jingkyrshan ha ri-lum Garo ia u Myntri barim James PK Sangma.){kind=link}