Shillong, Naiwieng 29: U Myntri Rangbah ka Jylla Conrad K Sangma ha ryngkat u Myntri kam ialehkai Bah Shakliar Wajri, hynne ka sngi Balang, kila lum ia ka jingialang bishar kam halor ka jingpynkhreh ka Jylla ia ka Meghalaya Games ka ban long ha Tura, West Garo Hills District.
Haba iakren bad ki nongthoh khubor, u Myntri Rangbah ula iathuh ba kila shong bishar halor kajingpynkhreh baroh ba kynthup ia ki jaka ban pynlong ia ka lympung, ki jaka sah jong ki nongialehkai bad kiwei ki jingdonkam naduh ki bor pahara, ka jingpynbiang ia ka umbam umdih, ka bording elektrik, ka bam ka duh bad kiwei kiwei.
U Conrad u iathuh ba ula shong bishar kam ruh bad ki Deputy Commissioner kiba la pyntip ba ki kam ki jam kila iaid shaid shaidha ka jingpynkhreh ia kane ka lympung.
“Kin don beit ki jingeh bad ki jingduna namar ka Tura kam pat don ia ki jingdonkam ba kongsan ban pynbiang ia kumba 4000 ngut ki briew kiban wan kynthup ki nongialehkai bad ki nongpyniaid. Hynrei ngi la shimkhia ia kane bad ngi thikna ba ngin sa lah ban pynbiang lut ia ki jingdonkam hapoh ka pork aba dei” ong u Myntri Rangbah.
Ka Sorkar kan sa shong bishar kam biang ia kane ka kam ha ka 8 tarik u Nohprah ha Tura.
