Shillong, Naitung 16 : Arngut ki briew kila shah pynngat ha ka jingpynsajia ba hap shong phatok shirta jingim namar ka jingleh beijot ia I khynnah.
Ha ka hukum bala pynmih ha ka 25 tarik Jylliew, ka Iingkashari Special Judge (POCSO), West Khasi Hills, Nongstoin, kala pynngat ha ka jingpynsajia ia u Mebanlang Warjri bad u Tony Paul Basaiawmoit.
Kine ki arngut kila ngat ha ka jingpynsajia ban shong phatok shirta jingim lem bad ka jingsiew ia ka kuna ba mar T.50,000 marwei.
Ia kane ka case la register ha u snem 2017 bad ia ka jingtohkit la khlieh da ka WPSI DP Nongbri.
