Shillong, Naitung 30 : U Chandrashekhar H Vijayashankar hynne ka sngi ba-ar ula shimti kum u Lat ba pura jong ka jylla Meghalaya.
U Chandrashekhar ula shah pyntian smai ha u Chief Justice ka Meghalaya High Court u Justice S Vaidyanathan ha ka jingialang kaba la long ha Raj Bhavan, Shillong.
Ha kane ka jingialang la iadonlang u Myntri Rangbah ka jylla u Conrad K Sangma, ki Symbud Myntri Rangbah- Bah Prestone Tynsong bad Bah Sniawbhalang Dhar, ki Myntri Sorkar, ki MLA, ki heh ophisar sorkar, ki heh shipai bad kiwei kiwei.
U Chandrashekhar ula wan shimti kum u Lat ka jylla ha ka jaka jong u Lat barim ka jylla u Phagu Chauhan.
