Shillong, Jylliew 21: U MLA/MDC ka Mawhati Bah Charles Marngar hynne ka sngi Balang ula shimti kum u Deputy Chairman bathymmai jong ka Khasi Hills Autonomous District Council hadien ka jingjop da kaba suk ia ka elekshon khlem kano kano ka jingiakhun.
U Chairman ka Council u Bah Lamphrang Blah ula pynbna hapoh ka iing dorbar ba u Bah Charles ula jop suk naba ym shim la don kino kino ki MDC kiba la thep kyrteng ban iakhun ia katei ka elekshon Deputy Chairman.
Hadien kane ka jingpynbna, u CEM ka KHADC u Bah PS Syiem, u CEM barim Bah TW Chyne bad kiwei kiwei ki MDC kila pynkup burom ia u Bah Charles.
Kumban shu pynkynmaw baroh shi katta ia ka shuki Deputy Chairman la bat da u Bah Alvin K Sawkmie MDC ka NPP na Mawsynram hynrei ha ka Lah sngi u Blei ula iehnohkam noh da ka jingthmu ban plie lad ia u Bah Charles ban shimti ia katei ka shuki.
U Bah Alvin ula iehnohkam na ka kam Deputy Chairman ban leit shimti noh kum u Executive Member ha ka Executive Committee ka ban ialam da u Bah Pyniaid Sing Syiem.
Pule ruh: Mawryngkneng MDC Pyniaid Sing Syiem of NPP elected uncontested as new CEM of KHADC
