Guwahati, Naitung 18: Ka Northeast Frontier Railway (NFR) kala shim ia ka sienjam ba kyrkieh ban pynpoi ia ki marbam mardih bad kiwei kiwei ki mar ba kongsan sha ka Jylla Manipur kaba don hapdeng ka thma iapher Jaidbynriew, ha ka sngi Ba-ar.
Ka Khongsang ka dei ka railway station ba khatduh bala plie ha u snem 2022 kaba don hapoh ka Jiribam-Imphal line Project. Ia ka jingshakri jong kane ka railway line la pynsangeh shipor namar ka jingthut ka shongsuk shongsain ha Manipur.
“Baroh ki nongkhaii Manipur ki lah ban ioh mynta ia ka lad ban phah buh lypa ia ki marbam mardih na Khongsang Station” ong ka NFR.
Ki piat na Maharashtra, ki phan na West Bengal bad ki mar FMCG na Assam ki dei kiba la pynkhreh ban pynpoi sha Manipur.
Ka NFR kala dep shna ia ka railway line ba 111 Km na Jiribam-Imphal kaba la dep mynta haduh 94% bad la buh thong ban pyndep ia kane ka project ba T. 14,322 klur hapoh u bnai Nohprah mynta u snem.
Also read: Arunachal Pradesh: Sdien phasi u Pulit hapoh Police Station
 kala shim ia ka sienjam ba kyrkieh ban pynpoi ia ki marbam mardih bad kiwei kiwei ki mar ba kongsan sha ka Jylla Manipur kaba don hapdeng ka thma iapher Jaidbynriew, ha ka sngi Ba-ar.){kind=link}