Itanagar, Naitung 18: Ha ka jingjia ba pynkyndit, uwei u Heh Pulit jong ka Police Station, ula dkhat jubor iala ka jingim da kaba sdien phasi hapoh ka Police Station ha ka step sngi Nyngkong.
Kat kum ka khubor, une u Heh Pulit u kyrteng u Sub Inspector S Kri, uba dei khmih ia ka Kaying Police Station, Siang District. Ia une u heh Pulit la lap ba u sdien phasi hapoh ka kamra buh Generator jong ka Police Station ha ka por 6:30 baje mynstep.
Ki Pulit kila register case halor kane ka jingjia bad ka jingtohkit mynta kala iaid shakhmat. Ia ka met la aiti noh sha ki bahaiing hasem hadien bala pyndep ia ka post mortem.
U Kri uba dei na Tezu, Lohit District, ha ka jingshisha ula dei ban leit iashimbynta ha ka jingialang ha Boleng, ka headquarter jong ka Siang District.
Pule ruh: Pynkup burom ka KSU ia ki samla pule da ka Fr Sylvanus Sngi Lyngdoh Award
