Shillong, Lber 25: Ka Nongthymmai SC kala iohmad iaka jingjop kaba nyngkong ha ka jingiakhun ia ka Shillong Premier League 2023 da kaba pynliem iaka Nangkiew Irat da 2-0 hynne ka sngi nyngkong ha SSA Stadium, First Ground, Polo.
Ha ka jingiakhun ha ka kylla step baroh ar tylli kitei ki kynhun kim shym la lah ban thep kol watla kila ioh kato katne tylli ki kabu bad ka Nangkiew Irat kam shym la lah ban thaw pyrthei eiei na ka jingtbit bajingialehkai bha ki nongap bak jong ka Nongthymmai.
U Y Gopi Singh ula thep ia ka kol ha ka moinit kaba 58 bad u Iohborlang Nonglyer ula thpe ha ka minit kaba 66 na ka bynta ka Nongthymmai kaba la pynskhem syndon ia ki ban ioh ia ka jingjop ha kane ka jingialehkai.
Hadien ba ka Nangkiew Irat kala shah thep 2 kol, ka rukom ialehkai ki nongialehkai kala sdang ban hiar bad duh mynsiem noh bad kim shym la lah ban ialehkai bha shuh haduh ban da kut.
Ka Nangkiew Irat kala jop haka jingiakhun kaba nyngkong da kaba pynrem ia ka Sawmer SC da 2-1, katba ka Nongthymmai kaba dang shu rung thymmai ha ka SPL, kala shah pynliem ha ka Rangdajied United da 1-0.
Ka jingialehkai Lashai ka sngi kan long hapdeng ka Rangdajied pyrshah ia ka Sawmer.
