Shillong, Jymmang 04: Ka Mawlai SC kala pynrem iaka Nangkiew Irat SC da 6-1 ha ka jingiakhun ha ka Shillong Premier League 2023 ha SSA Stadium, First Ground, Polo hynne ka sngi Saitjain.
U Felix Lalruatsanga ula thep ia ka kol ha ka minit kaba 7 na ka bynta ka Nangkiew Irat hynrei u Fullmoon Mukhim jongka Mawlai SC ula thep iaka kol ha ka minit kaba 29 lyngba ka Penalty bad u Romarius Laban ula thep i aka kol ha ka minit kaba 36.
Ha ka jylla miet ruh ka Mawlai SC kala bteng biang ban thep kol, ha kaba u, Kevin Rymbai ula thep kol ha ka minit kaba 65, u Donlad Diengdoh ha ka 68 minit, u Pynbha Suting ha ka minit kaba 73 bad u Mark G Shabong ula thep ha ka minit kaba 87.
Kane kadei ruh ka jingiakhun kaba khatduh jong ka Round Robin jong kane ka lympung bad ka Mawlai kala pynkut ia kane ka jingiakhun da kaba kamai 16 point bad ka bud nadien jong ka Rangdajied United FC kaba la kamai 18 point. Ka Shillong Lajong FC kala don haka kyrdan kaba 3 bad ha ka kyrdan kaba 4 la ioh da ka Langsning FC bad kine kila ia kamai mar 15 point.
Ha ka jingiakhun ha ka Semifinal kaba nyngkong, ka Rangdajied kan iakhun pyrshah ia ka Lajong ha ka 7 tarik u Jymmang bad ha ka Semifinal ka baarm ka Mawlai SC kan iakhun pyrshah ia ka Langsning ha ka 8 tarik u Jymmang ha ka por 3:15 mynsngi ha SSA Stadium.
