Shillong, Lber 11: Ka Rangdajied United FC kala pynkut noh ia ka jingiakhun ia ka OC Blue Shillong Premier League (SPL) 2024, da kaba pynrem da 5-1 ia ka Nongthymmai SC hynne ka sngi Baar ha ka jingiakhun kaba la long ha SSA Stadium, First Ground, Polo.
Ka Rangdajied kala ioh thep ia kitei ki 5 tylli ki kol lyngba u Mebanaibok Kharbudnah ha ka 40 minit, u Pasborlang Khonglikong ula thep kol ha ka 43 bad 64 minit, u Freddy Jyrwa ula thep ia ka kol ha ka 54 bad 69 minit.
Katba u Michaelson Kurbah ula thep ia ka shi kol na ka bynta ka Nongthymmai ha ka 86 minit.
Ka Rangdajied kala don lypa ha ka kyrdan kaba 3, katba ka Nongthymmai kala don ha ka kyrdan kaba 9 ban shah pynhiar kyrdan noh na katei ka lympung ialehkai jong ka SPL.
Ka Nongthymmai kala ioh khur 11 point da kaba jop 3 sien, iakhaid 2 sien bad rem haduh 13 sien, katba ka Rangdajied kala ioh khur 35 point da kaba jop 11 sien, iakhaid 2 sien bad rem 5 sien.
Ha ka jingiakhun ha ka kylla step, ka RUFC watla kala don lypa ha ka kyrdan kaba lai jong ka SPL kala iakhun tyngeh ia ki nongialehkai shadien jong ka Nongthymmai bad kala ioh ban thep 2 kol ha ka kylla step.
Ka RUFC kala bteng beit ban ialehkai bha bad ban pynklumar khlieh ia ki nongialehkai jong ka Nongthymmai ha kaba kala ioh ban thep sa 3 kol ha ka kylla miet bad hashwa ban kut noh ka por jong ka jingialehkai, ka Nongthymmai kala ioh ban thep shi kol.
Ka jingiakhun kaba la khmih lynti ba kan long kaba itynnad bha, kan dei ha ka sngi Saitjain, ha kaba ka Mawlai SC kan iakhun pyrshah ia ka Shillong Lajong FC ban ia knieh ia ka nam lahduh jong ka SPL bad kane ka jingiakhun kan sdang ha ka por 5:30 janmiet.
 2024, da kaba pynrem da 5-1 ia ka Nongthymmai SC hynne ka sngi Baar ha ka jingiakhun kaba la long ha SSA Stadium, First Ground, Polo.){kind=link}