Shillong, Naiwieng 04: Ka All Jaiñtia Muster Roll Workers Union (AJMRWU) ka la rai ba shen kan khot jingialang jong ki nongtrei Muster Roll ban iakren halor ka rai jong ka Sorkar ban ym pyntreikam ïa ka Floor Rate bad ka Variable Dearness Allowance (VDA) na ka bynta ki Muster Roll.
Ia kane la pyntip da u President ka AJMRWU u Bah Khroo L Pariat hadien ba iakynduh ia u Labour Commissioner ka Sorkar Jylla.
Haba kren shaki lad pathai khubor u Bah Khroo u la iathuh ba u Labour Commissioner u la khot iakren iaka Union halor ka jingsiew ia ka floor rate bad arrears, hynrei ka Sorkar ka la rai ban nym pyntreikam ia kine, da kaba kdew ba kam dei kaba donkam ban pynkylla ia ka floor rate namar ki dor jong ki marbam mardih ki la hiar.
Ia kane ka rai ka Sorkar ka la shim hadien bala bishar bniah iaki dor jong ki marbam mar dih bala lum daka tnat Statistics kaba kdew ba ki dor jong ki marbam mar dih kila hiar hadien bala pynduna iaka jingot khajna GST.
Ka Sorkar ka kdew ruh ba kan don ka jingpynhiar ia ka jingsiew sha ki nongtrei muster roll lada pyntreikam ia ka VDA.
U Bah Khroo u la pynbna ba ka Union kan ap da ka jingthoh na ka Sorkar hashwa ban rai halor kane ka kam namar ba u labour commissioner u la pynthikna ban ai ia kane ka jingpyntip ha kine ki sngi ban wan.
U la pyntip ba ka seng kan pynlong ia ka jingialang jong baroh ki muster roll ha nongbah Shillong ban iakren ia kane ka rai jong ka Sorkar bad ban pyrkhat, la ka Union kan leit ne em sha Meghalaya High Court ban ioh ia ka jingbatai kham bniah halor ka Minimum Wages Act lane ban pynbor ia ka Sorkar ba kan ban pynkiew ia ka jingsiew.
 ka la rai ba shen kan khot jingialang jong ki nongtrei Muster Roll ban iakren halor ka rai jong ka Sorkar ban ym pyntreikam ïa ka Floor Rate bad ka Variable Dearness Allowance (VDA) na ka bynta ki Muster Roll.){kind=link}