Shillong, Naitung 04: U Myntri Rangbah ka Jylla Conrad Kongkal Sangma hynne ka sngi nyngkong ula ong ba shen ka Iingdorbar Thaw Ain ka Jylla kan sa shah noh ia ki MLA ba kin kren da ka Ktien Khasi bad Garo hapoh ka Iingdorbar.
“Nga la dep iakren la bunsien bad ki Nongialam jong ngi bad ia u Lamphang ka Iingdorbar ruh bad ngi don ka jingsngew ba ha ki katto katne ki bynta, dei ban shah noh ia ki MLA ba kin kren da ka ktien Khasi bad Garo ha ryngkat ka jingpynkylla ktien (translation) hapoh ka Iingdorbar” ong u Conrad.
Members in the Meghalaya Legislative Assembly should be allowed to speak and debate in Khasi and Garo language in the House. A step towards promoting our languages.
— Conrad Sangma (@SangmaConrad) July 4, 2022
U Myntri Rangbah ula kren ia kane halor ka jingthmu jong ka Sorkar ban pynshlur ia ka jingpyndonkam ia ka ktien Khasi bad Garo ha Iingdorbar Thaw Ain ban pynriewspah ia ka Ktien.
“Ngi sngew ba kane ka dei kaei kaba kaba hap ban leh bad ngi la pyrshang mynta bad kyrmen ruh ba ngin sa lah pynurlong noh shen ia ka” pyntip u Conrad.
Kat kum ka jingong jong u, ia kine ki artylli ki Ktien lah ban shah haba wanrah ia ki motion lane ki Resolution bapher bapher, ka jingiatai ia ka jingkren maitphang u Lat halor ka mang tyngka hynrei ym ha ka kynta kylli jingkylli kaba donkam ban jubab mardor.
Haba kylli, u Myntri Rangbah ula ong ba kane kan shong pat ha ka Assembly Secretariat hynrei ula thikna ban sa ioh ia ka jubab kaba biang halor kane ka kam.
