Shillong Naitung 04: Ka tnad CID ryngkat ka jingiatreilang bad ki pulit jong ka East Khasi Hills, hynne ka 4 tarik u Naitung kila pynlong ia ka jingai jinghikai ia ki ophisar pulit halor ka phang “Ka jingthombor pyrshah ia ki Kynthei: Haba pynleit jingmut kyrpang halor ki sienjam ba dei ban shim haba iadei bad ki jingshah thombor ha Iing ha sem” (Crimes against Women: with special focus on Domestic Violence Procedures) kaba la pynlong ha Police Reserve Shillong.
Ia katei ka prokram la wan plie da u DIG Eastern Range u Davis N.R Marak ha kaba la iadonlang u Superintendent of Police ka East Khasi Hills u Bah S. Nongtnger ha kaba la wan ban iashimbynta daki pulit ka jylla bad kiwei kiwei.
Ka nongïasaid aiñ ka jylla ka Kong Daisy Thangkhiew kaba long ruh ka Dkhot jongka Child Welfare Commitee bad ka Kong Iaimanda Ryngksai, Project Lead, North East Network kila ai ka jingbatai kaba bniah halor katei ka mat kaba iadei bad ka jingshah thombor ki kynthei.
