Shillong, Risaw 06 : U Myntri ka Tnad Social Welfare Bah Paul Lyngdoh ha ka sngi Thohdieng, u pyntip ba ka Sorkar kan sa rai shen ban thung ia ka Chairperson ba thymmai jong ka Meghalaya State Commission for Women (MSCW).
Haba iakren bad ki nongthoh khubor, u Bah Paul ula ong ba ka Search Committee kala dep ban ai jingmut ia ka kyrteng jong ki saw ngut ki briew.
“Ngan dang ban iashong bad u Myntri Rangbah bad hadien bala iasyllok bad ngi, ngin sa lah ban ai ia kane ka jingtip (halor ka jingthung ia ka Chairperson ba thymmai)” ula ong.
U Bah Paul ula ong ruh ba ka kam hi ka dei tang ka jingthung ia ka Chairperson ym ia kiwei kiwei ki dkhot ka Commissioner namar ki dei kiban dang pyndep ia ka samoi treikam.
