Shillong, Naiwieng 28: U Myntri ka tnat Social Welfare u Bah Paul Lyngdoh ula pyntip ba shen yn sa iakren hapoh ka jingialang ka kynhun Myntri Sorkar halor ki kyrteng bala iathuh ba thung Chairperson jong ka Meghalaya State Commission for Women (MSCW).
Haba kren sha ki lad pathai khubor u Bah Paul ula iathuh baka tnat Social Welfare kala dep ban ithuh 4 tylli ki kyrteng kiba ibit ban thung Chairperson jong ka MSCW.
“Ngi dang don hapdeng ka jingeksamin iaki 4 tylli ki kyrteng kiba ka tnat Social Welfare kala ibit ban thung Chairperson bad ia kine ki kyrteng yn sa rah haka jingialang jong ka kynhun Myntri Sorkar ban ioh ka jingmynjur” ong u Bah Paul.
U Bah Paul ula ong ba ka tnat ka kwah hi da ka briew kaba tbit bad kaba kynsai ban khlieh iaka Commission kaba khmih iaka bha ka miat ki kynthei.
