spot_img

Shen yn pyniasoh u Engineer sha ka NPP ban aireng na North Shillong ha ka elekshon 2023

Date:

Share post:

Shillong, Naitung 08: U Executive Engineer (EE) bala shongthait jong ka PWD (Buildings) u Bah Ransom Sutnga hynne ka 8 tarik u Naitung, u la pynpaw ba shen yn sa leit pyniasoh noh ialade bad ka seng NPP ban iakhun ia ka elekshon MLA na North Shillong constituency.

“Shen ngan sa jam noh ha kawei pat ka bynta ban shakri ia u paidbah bad ngan sa pyniasoh bad ka NPP kum uwei na ki kyrtong ban iakhun ia ka elekshon MLA North Shillong,” ong u Bah Ransom Sutnga.

U la ong, naduh ka 7 tarik u Lber kaba deika sngi kaba u la pan iaka Voluntary Retirement Scheme (VRS) u la kdew shai ba ka jingkwah shongthait noh ka jongu naka kam sorkar kadei ban yn iohlad ban iashimbynta noh ha ka kam sain pyrthei.

“Ka long ka kam kaba eh, shwa ban rung, kila don ki jingkynnoh kiba bun, hynrei haba rung ha ka kam saiñ pyrthei, yn hap ban pdiang namar ba kadei ka jingkhot ban shakri ia u paidbah bad iaka jylla” ong u Bah Ransom.

U la ong ka daw kaba la pynlong ia u ban rung sha ka seng NPP kadei namar ka jingdon ia ki nongialam kum u Myntri Rangbah ka jylla u Conrad K Sangma bad u Symbud Myntri Rangbah u Bah Prestone Tynsong kaba la ai mynsiem ia u ban pyniasoh bad katei ka seng.

U Bah Ransom yn hap ban iakhun pyrshah ia u MLA ba mynta jong ka North Shillong u Bah Adelbert Nongrum.

U la ong, na katei ka constituency kin don bun ngut ki kyrtong kiban iakhun ia ka elekshon, hynrei u ngeit skhem ba da ka jingtreishitom u don iaka jingskhem jingmut 100 na ka 100 ba yn jop iaka elekshon.

U Bah Ransom u la ong, ki jaidbynriew ki bapher bapher ki shong ki sah ha katei ka constituency bad kumta ka mat elekshon kaba u buh eh hakhmat kadei ban pynneh iaka jingshongsuk shongsaiñ, ban don ka jingshngaiñ bad jingiada ia ki paidbah, ban shimkhia halor ka mat kyrduh kam kyrduh jam bad ban pynkup bor ia ki longïing baduk.

“Ban resaiñ naka kam sorkar kaba trei, phi hap ban sngewthuh ba kadei ka jingkhot jong u Blei ban shakri ia u paidbah. Nga kwah ban ai ia kaba bha tam iaka North Shillong Constituency” ong u Bah Ransom ryngkat bad ka iaroh iaka sorkar MDA ha kaba iadei bad ka jingshimkhia iaka mat kaba iadei bad ka Them Metor.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img