Shillong, Jymmang 12: Ka National Testing Agency, ka la pynsangeh noh shwa ïa ka eksamin NEET-UG 2026, kaba la long ha ka 3 tarik Jymmang, hadien ka jingkynnoh ba don ka jinglait tuh ki jingkylli bad ka jingsuba ba la leh bakla, kaba la pynmih ïa ka jingartatien na ka bynta ki lak ngut ki ba kwah pule Doctor ha kylleng jong ka ri.
Ki tarik ba thymmai na ka bynta ban thoh biang ia ka eksamin la khmih lynti ba yn sa pynbna hadien.
Ki jingkynnoh ki la mih ba ka Rajasthan Police’s Special Operations Group ka la lap palat 100 tylli ki jingkylli kiba ïahap bad ka NEET ba la pynphriang shwa ka eksamin.Ki heh ophisar mynta ki suba ba ka jingiadei kaba kham heh hapdeng ki bun tylli ki jylla thoh eksam kiba lah ban donkti ha katei ka jinglait tuh.
Hynrei ka NTA ka la kyntait ïa ki khubor hamsaia bad mardor hadien ka eksamin, da kaba khot ïa ki katto katne ki jingkynnoh ha ki social media “kiba thok” bad pynskhem ba ïa ka eksamin la pynlong hapoh ki jingpynbeit ba pyrkhing bha kiba kynthup ïa ka jingpynshisha biometric bad ki rukom pahara kaba jur bha.
Hadien ka jingjur jong ki jingkynnoh ha kine ki khyndiat sngi ba ladep, kane ka mat ka la shem ïa ka lynti sha ka sain pyrthei jong ka ri, ha kaba u Rahul Gandhi, nongïalam ka Congress, u la ther tyngeh ïa ka sorkar ha ka sngi Nyngkong bad buh jingkylli ïa ka jinglong hok jong ka rukom thoh eksamin ha India, katba kiwei pat ki party ki la dawa ïa ka jingtohkit bad ka jingkitkhlieh.
Ki samla pule ha Meghalaya bad kiwei kiwei ki thaiñ Northeast, kiba la ïohi ba da ki hajar ngut ki ïaleh ïa ka eksamin, ki ïakynduh ruh ïa ka jingbym thikna namar ka jingshah pynsangeh, kynthup ïa kiba bun kiba ki jaka eksamin jong ki, ki don ha nongbah Shillong.Ki bor ba dei peit ha Meghalaya ki la pynmih ïa ki jingmaham ïaid kali bad ki la pynbeit kyrpang na ka bynta ki samla pule NEET namar ka jingkhapngiah kaba la antad ha kylleng ki jaka eksamin.
Kane ka jingjia mynta ka wanrah biang ïa ki jingkynmaw jong ka jingbitar shla jong ka ri kaba la ker sawdong ïa ki jingbym iaid beit ha ki eksamin ba ïakhun ha u snem ba la dep, ha kaba ki khynnah skul bad ki kmie ki kpa ki dang buh jingkylli biang ïa ka jingshngaiñ bad jinglong hok jong ka national entrance tests ha India.La iathuh ba ka sorkar ka la hukum ban pynlong ka tohkit halor kane ka kam bad la khmih lynti ba ki central agencies kin tohkit ia ka jingpynphriang baroh kawei jong ki jingkylli kiba la lait tuh bad kino kino ki kynhun kiba la pynbeit ryntih kiba donkti.
