Williamnagar, Naitung 19: Da ka jingthmu ban kyntiew ia ki nongrep jongka East Garo Hills, ka Tomdaksan Farmer Producer Organization (FPO), hapoh ka jingialam u Lebi D. Sangma bad ka kynhun kila seisoh ha kaban phah ia ki sohtrun ha ka wat kaba nyngkong uba 3000 ton sha ka North Eastern Regional Agricultural Marketing Corporation Limited (NERAMAC) ha ka 18 tarik u Naitung.
Kane ka jingphah ia ki sohtrun kala long u mawjam uba sngewsarong ia ki nongrep sohtrun ha ka thain khamtam eh na Dawachipit hapoh jongka Samanda Block. Kaba la plie lynti da ka District Horticulture Office ha Williamnagar, kane ka sienjam ka long kum ka jingkyntiew ia ka jingkhaii ia u sohtrun na kane ka District.
Ka NERAMAC kala kular ban thied 6 ton u sohtrun na ka Tomdaksan FPO man la ka taiew, ban pynthikna ba kan don ka iew ka hat kaba biang bad ban kyntiew shuh ia ka kam rep.
La seng ha u snem 2021–22, ka Tomdaksan kadei kawei na ki FPO kaba treikam bha hapoh Meghalaya. Nalor u sohtrun, ka Association kala donbynta ruh ha kaba iadei bad ka jingpynmih ia u sohniamtra da kaba iatreilang bad kiwei pat ki FPO kum ka Jirang FPC bad East Ri Bhoi FPO.
U sohtrun na East Garo Hills udei uba la bna nam ia ka jingthiang, ka jingbun jongka umsoh bad kaba duna ha ka acid bad ka jingdawa kala jur bha hapoh ka thain shatei lam mihngi bad ha kylleng ki iew ha ri India.
Da ka jingkyrshan na ki skhim sorkar kum kanMission for Integrated Development of Horticulture (MIDH), PM Formalization of Micro Food Processing Enterprises (PMFME) bad ka One District One Product (ODOP), ka district kala pyniar ha kaban sain ia u sohtrun, ban song bad ban pynbiang ia ka kit ka bah.
Ki nongrep mynta kila shalan ia ki jingpynmih ki jongki sha Guwahati, Kolkata, North India bad wat sha ki iew ki hat kiba don shabar ri ruh.
U Sohtrun udei u mar jongka ODOP na ka bynta ka East Garo Hills, ka jingkhublei ka leit sha ka jingdon ia ka jingbang kaba kham phylla bad uba sma iwbih ban ia u sohtrun na kiwei pat ki thain bad kane kadei namar ka rukom rep tynrai ha kaba la py donkam duna bha ia ki dawai dashin. Kiwei pat ki jingthung kiba la pynmih ki kynthup ia u sohniamtra, sohnarit, sying, u riewhadem bad bun jait ki jingthung.
, hapoh ka jingialam u Lebi D. Sangma bad ka kynhun kila seisoh ha kaban phah ia ki sohtrun ha ka wat kaba nyngkong uba 3000 ton sha ka North Eastern Regional Agricultural Marketing Corporation Limited (NERAMAC) ha ka 18 tarik u Naitung.){kind=link}