Shillong, Naiwieng 22 : Ka kynhun ki samla bym lah ban tip ki dei kiei, kila wiang ding ia kawei ka kali kaba don u registration nombor ka Assam, mynta ka miet ha surok GS Road kaba don ha ki thain Jhalupara, Shillong.
Kane ka kali ka dei ka Scorpio kaba don u nombor AS01-DK-5958.
Kat kum ka khubor Pulit la iathuh ba kumba 20-25 ngut ki briew kila bat ia kane ka kali ha katei ka jaka bad hadien ba kila phah hiar ia ki briew ba shong hapoh, kila synreit petrol bad wiang ding ia ka.
Ki Pulit kila register case halor kane ka jingjia bad ka jingtohkit mynta kala iaid shakhmat.
