North Lakhimpur, Nailar 27 : U Principal jong ka kolej ha North Lakhimpur ula shah sospon noh ha u Director ka Assam Higher Education hadien ba ia ka jingia ‘chat’ ka jong u lyngba ki jingthoh kiba ktah ia ka longrynieng lyngba ka Facebook bad kawei ka briew la sakhi lyngba ka online.
U Director ka Higher Education ha ka hukum kaba katkum ka letter number DHE/CE/Mics/66/2022/0 dated August 26 ula pynsangeh kam ia u principal ka kolej ka North Lakhimpur ia uba la tip kyrteng kum u Dr. Biman Chandra Chetia.
Kane ka sienjam pyrshah ia u Chetia ka dei kaba la shim lyngba ka jingkyrpad da ka Governing Body jong ka NL College (Autonomous) na ka bynta ban pynsangeh kam ia u na ka bynta 15 sngi bad ban thung bujli ia u Dr. Ranjan Borah, Vice-Principal kum u Principal-in-Charge jong kane ka kolej.
Kane ka jinglong jingman ka la wan jia hadien ba ki seng jong ki samla pule kila pynlong ka jingiakhih ban dawa pynshitom pyrshah ia u Chetia.
Hynne ka step, na ka liang ka seng AASU ha Lakhimpur kala kynthoh ia ka Governing Body jong ka NL College bad ia ki bor pulit ka Lakhimpur halor ka jingsuki ban shim ia ki sienjam halor kane ka jingshah kynnoh jong u Dr. Chetia halor kine ki kam kiba ktah ia ka jingsngew jong kiba bun balang.
Ha ka sngi Palei ba la lah, ka AASU lem bad kiba bun kiwei pat ki seng samla pule kila pynlong da ki jingiakhih ba jur ha North Lakhimpur, kata hadien ba katei ka jingia ‘chat’ jong utei u Principal kaba ktah ia ka longrynieng bad kawei ka briew sa sakhi lyngba ka online.
