Shillong, Risaw 05 : Uwei u rang ialeh cricket ba kyrteng u Lakhan Singh ba mihkhmat ia ka Jylla Meghalaya sha ka Ranji Trophy, ula shah shoh ha ka kynhun ki runar hynnin ka miet sngi Balang ha ka thain Anjali Petrol Pump, Shillong.
U Lakhan haba batai ia kane ka jingjia, ula pyntip ba kane kala jia ha ka por ba u dang don ha lynti ban leit shala iing ha Jhalupara hynrei haba poi ha ka thain Anjali, kawei ka kali Maruti Celerio ba don u nombor ML05-AA-0381, kala khang lynti ia u bad ka kynhun ki briew kila hiar na kane ka kali bad shoh beit beit ia u.
U pyntip ba kine ki runar kiba la buaid kyiad, kila byrngem byrsit ruh ia u ban leh da kaba tyngeh. Une u rang ialehkai ka Meghalaya ula mynsaw na ki bynta ka khmut bad ka shyntur.
U Lakhan ula ujor ia ka ejahar ha Contonment Beat House pyrshah ia kine ki nongthombor haba dawa ia ki Pulit ba kin kem mardor ia kine ki runar.
