Imphal, Naitung 13 : Arngut ki briew ki ba la shah kynnoh donkti ha ka jingthombor grenade hapoh Raj Bhawan ka Manipur ka ba la jia ha ka 19 tarik u Kyllalyngkot 2021 ki la shah pynngat ha ka iingbishar ba kyrpang ka NIA ha Imphal.
Ia ka por jong ka jingshah pynsaja na ka bynta kine ki arngut yn sa pynbna da ka iingbishar ba kyrpang ka NIA ha ka 16 tarik mynta u bnai.
Kine ki arngut ki ba la shah pynngat ki kynthup ia u Lisham Ibosana ba la tip kum u Micheal (42) na Khongman Lisham Leikai bad u Konsam Manithoi (46 snem rta) na Lairikyengbam Leikai.
Ia ka FIR ha ka ba iadei bad katei ka kam thombor grenade hapoh Raj Bhawan ha Manipur la rejistar ha ka 5 tarik u Lber 2021 hapoh ka police station ha ka sorbah Imphal.
Ia ka case la rejistar hapoh NIA branch office New Delhi hapoh ki kyndon section 307 IPC, sections 16 (1) (b) bad 20 UA(P) Act, 1967 bad section 4 of explosive substances act ha ka 6 tarik u Lber 2021.
La pynngat ia kine ki arngut ki runar hapoh ki kyndon Section 307/ 120B IPC, Section 16/18/20/38 UA (P) Act bad Section 4 Explosive Substance Act.
