Hiar jurip u CM ia ki jaka ba lynshop ka jingshlei um bad jingtwa khyndew ha Chirang bad Bongaigaon

Date:

Share post:

Chirang, Naitung 13 :U Myntri Rangbah (CM) ka Assam, u Dr. Himanta Biswa Sarma u ba la pynlong ka jingleit jurip sha Chirang ban bishar bniah halor ki jingshah pynjulor na ka jingshlei um ba la dep khamtam lyngba jong ka wah Nijla bad ruh ha ka ba iadei bad ki jingjia tuid khyndew u la ong ba na ka liang ka sorkar jylla kan pyntreikam ia ka skhim khnang ban khanglad ia ki ba kum kine ki jingjia ki ba la wanrah lyngba ka wah ka ba don ha ki jaka ba shaneng hapoh ka district.

Ha ba leit jngoh ia ka jaka ba jur ka jingtuid ka khyndew ha ki bynta jong ka Laokhriguri hapoh ka district ka ba la wanrah ka jingjulor ka ba jur lyngba jong ka wah Nijla ka ba ioh um tang ha ka por slap ka ba wan tuid na Bhutan, u CM Sarma u la ong ba ka tnat Water Resources kan pyntreikam ia ka skhim khnang ban lah ban pynkut noh shisyndon ha ka ba iadei bad ki jingshlei um bad ka jingtuid jong ka khyndew ba la pynlong lyngba ka wah Nijla.

U la ong ba kane ka tnat kan shna ia ka plan bad pyntreikam ha ka rukom ka ba dei khnang ba kan pynhun ia ki paidbah ha ka rukom ka ban neh junom.Ha ka jingleit jurip sha kane ka district u Dr. Sarma ula pynlong ruh ia ka jingialang bishar bniah bad ki bor pyniaid district kumjuh bad baroh ki khlieh jong ki tnat sorkar.

Nalor ka jingbishar bniah halor ki jingjulor, u Sarma u la bishar bniah ruh ha ka ba iadei bad ka jingpyntreikam ia ki prokram bad ki projek bapher bapher jong ka sorkar hapoh kane ka district.U la bishar bniah ha ka ba iadei bad ka jingpyntreikam ia ka skhim MGNREGA, skill development bad ki skhim jong ka tnat Social Welfare.

Shuh shuh ban kyntiew halor ki jingtreikam la jong, u CM u la kyntu ia u DC ka Chirang u Narendra Kumar Shah na ka bynta ban pynlong ka jingjurip bniah ia ki shnong ki thaw jong ki jaidbynriew Adivasi bad ban pynkhreh ia ka kaiphot na ka bynta ka sorkar ba kan leh ia ka ba donkam.U Sarma u la kyntu ia u ba un ithuh ruh ia ki samla Adivasi na kawei pa kawei ka shnong ba kin pyntbit ha ki jingai jinghikai.

Da ka ba kubur halor ki jingshisha ba ka Chirang district ka mad ruh year-on-year a ka jingeh ka ba iadei bad ki kam khaii khynnah, u Sarma u la kyntu ia u DC ba un phah peitngor bha ia ki shnong ki thaw bad ruh ban shim ia ki sienjam ban khanglad ia ki ba kum kine ki kam bymman.

Shi bynta jong kane ka jingleit jngoh, u CM Sarma u la leit jurip ruh ia ki ktem sah shipor hapoh Laokhriguri LP School bad iamir jingmut ruh ba ki lanot shlei um da ka ba pyntip ruh ba na ka liang ka sorkar ka la shim ia baroh ki sienjam na ka bynta ban pynioh ia ki lad jingiarap pisa bad kumjuh na ka bynta ki khun ki kti ba kin lah ban bteng ia ki jingpule ki jong ki.

Ha kane ka jingleit jurip la ia don lang ruh u Myntri ba dei khmih ia ka tnat Bodoland Department etc u UG Brahma, MP Rwngwra Narzary, MLA Jayanta Basumatary, Ajay Kumar Roy nalor kiwei pat.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...