Shillong, Nailur 20 : U Ophisar IPS barim bad Nongaiktien ka BJP Bah Mariahom Kharkrang ula ujor ejahar halor ka jingdon ki briew kiba shna ia ka facebook account thok ha ka kyrteng jong u-kaba dei ruh ka sien kaba saw.
Ha ka jingkyrpad ia u paidbah ha ka sngi U Blei, u Bah Kharkrang ula ong ba kine ki briew kila shna ia ka account thok ban lum ia ki number whatsapp, pan pisa bad kiwei kiwei.
Haba ai jingpynshai, u Bah Kharkrang ula ong “Ngam ju pan ia u numbor whatsapp nangno nangno ruh lyngba ka whatsapp. Lada phi purkhat kane, ka dei ka bym donkam satia”.
Ula bynrap “Nga dei u Ophisar IPS barim bad ngam donkam ban pyndonkam ia ka facebook account jong nga ban iakren kam”.
“Ngam ju, nga ban biang Ngam ju, pan na ki briew ia kano kano ka jingiarap pisa” ula ong.
Haba kyntu ia ki paidbah ba kin nym ngop ha kum kine ki jingkyrpad, u Bah Kharkrang ula ong “Sngewbha leit pyntip sha ki Police Station ba marjan lada don kino kino kiba pan pisa lyngba ka facebook account jong nga bad sngewbha pdiang ia kane ka jingkyrpad jong nga”.
Ula pyntip “Nga la dep ujor ejahar bad ki Pulit bad ka jingphikir jong phi kan iarap bha ia nga ban jop ia kane ka jingeh kaba la leh da ki katto katne ki riew bymman”.
