Shillong Nailur 12: U Symbud Myntri Rangbah ka jylla Bah Prestone Tynsong hynne ka sngi Palei, ula pyndep ia ka jingleh Surgery hapoh ka Apollo Hospital, Delhi.
“U Bah Prestone Tynsong ula shah puid ha ka bynta ba shakhmat eh sha ka liang kdiang jong ka khlieh ne ka Left Fronto Temporal Parietal Craniotomy bad ka jingsei ia ka snam ba lang ha ka jabieng ne ka Sub Dural Haematoma (SDH) hynne ka nsgi Palei bad la pynkynriah ia u sha ICU ha Apollo Hospital,” pyntip u Commissioner & Secretary u Vijay Mantri ha ka kyrwoh khubor.
“U Symbud Myntri Rangbah u don hapdeng ka jingtipbriew bad ka jinglong jingman ka jong u ruh ka biang, tang shu dep khmih bniah yn sa pynkynriah noh ia u na ka ICU” ula pyntip.
U Symbud Myntri Rangbah ula shah sumar ha ka ICU jong ka Nazareth Hospital hapoh jong ka Department of Neurosurgery ha ka 9 tarik u Nailur.
