North Lakhimpur, Naitung 06: Uwei u sadhu hapoh kawei ka temple ha Panigaon ka ba hapoh Lakhimpur, Assam u la shah kem noh halor ka jingshah kynnoh donkti ha ka ba leh beijot bad pynarmet ia kawei ka khynnah ka ba dang 15 snem rta.
La kem noh ia une u sadhu hadien ba la ioh pdiang ia ka jingujor na ki kmie ki kpa jong katei ka lanot. Kane ka jingjia ka la paw pyrthei hadien ba ka kmie jong kane ka khynnah ka la shem ba ka la armet namar ka jinglong ha ka koit ka khiah.
Na ka liang ka kmie jong kane ka lanot ka la kynnoh ia ka jingdonkti jong utei u sadhu ia u ba la tip kum u Bhola Baba 85 snem rta u ba la leh beijot ia ka khun jong ka la bun bunsien.
Ka la kam ruh ba une u sadhu u ju khot ia ka khun jong ka na ka bynta ban iarap lem ha ka ba iadei bad ki katto katne ki kam ki jam hadien ba u la shim kabu da ka ba leh beijot ia ka.
Nalor kata ka la pynpaw ruh lyngba ki lad pathai khubor ba une u sadhu hadien ba u la leh ia kane ka kam bymman u la byrthen tyngeh ruh ia ka ba kam dei ban iathuh briew.
Ha kajuh ka por ka la kynnoh ba une u Baba u la tyrwa ruh da ka pisa na ka bynta ban ia pynbeit noh halor kane ka jingjia baroh.
