spot_img

Shah kem u myntri barim ka Tripura ha Delhi halor ka jingkynnoh jrong kti ia ka samla pule

Date:

Share post:

New Delhi, Jylliew 30: U Myntri barim ka Tripura u ba dei ruh u MLA ka IPFT ba mynta, u Mevar Kumar Jamatia u la shah kem noh ha ki pulit ha ka sngi Balang ba la lah na Delhi hadien ba kawei ka samla pule ka la leit ujor halor ka jingkynnoh jrong kti pyrshah ia ka.

Baroh arngut, kata une u nongmihkhmat bad kane ka nong ujor ki sah hapoh Tripura Bhavan ka ba don ha Kautilya Marg, New Delhi. Ki bor sorkar ki la ong hadien ba kane ka samla pule ka ba dei hi ka trai shnong riewlum ka la ujor pyrshah ia u Jamatia hapoh Kautilya Marg police station, kumta ruh na ka liang ki pulit ki la ialam noh ia ki baroh arngut shapoh police station na ka bynta ban pynlong shuh shuh ka jingtohkit.

Hadien ba ka sorkar synrop Indigenous People’s Front of Tripura (IPFT) ba la lamkhmat da ka BJP ka la wan ha ka bor ha u bnai Lber 2018,u General Secretary ka IPFT u Jamtia bad u President u Narendra Chandra Debbarma ki la ioh bat kum ki myntri sorkar.

Dang shen namar ka jingiakynad hapoh ka party na ka liang u Jamatia u la pynjngai noh ia lade na ka IPFT bad ka kurim jong u, ka Gita Debbarma ka la pyniasoh bad ka TIPRA (Tipraha Indigenous Progressive Regional Alliance) ba la lamkhmat da u dkhot ka longiing ba riewspah ka Tripura u Pradyot Bikram Manikya Deb Barman ka ba la pynmih ruh ia ka khubor ba u Jamatia ruh u lah ban pyniasoh bad ka TIPRA party.

U Jamatia u la shah weng noh na ka kam ka ba u bat hapoh ka sorkar ba la lamkhmat da u Myntri Rangbah Manik Saha ha u bnai Jymmang ba la dep bad u Prem Kumar Reang u la shimti bujli ha ka jaka jong u kum u dkhot ka IPFT.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img