Shillong, Jylliew 30 : Ka North East Center for Technology and Reach (NECTAR) ha ryngkat ka jingiatrei lang bad ka Fragrance & Flavour Development Centre (FFDC), Kannauj, ka la pynlong ia ka jingai jinghikai kaba san sngi kumno ban shna ia ki jingsma iwbih ba ju tip ruh kum ki dhup ne ki “Agarbatti, Dhoopbatti, Hawansamgri & Perfumery”, ha Ramakrishan Mission Ashrama.
Kane ka jingai jinghikai kala sdang naduh ka 29tarik mynta u bnai ha Sohra bad kan kut haduh ka 03tarik u Naitung, 2022.
Ka thong jong katei ka prokram ka long ban pynkynmaw kumno ban pyndonkam hok ia ka jingdon lypa ka spah mariang ha kaba shna ia kitei ki kynja thang iwbih ba ju pyndonkam kum ha ki dhup (Agarbatti, Dhoopbatti, Havansamagri & Perfumery).
La pyni ruh thik pa thik kumno ban shna ia kitei ki jingbuh iwbih khnang ba ki paidbah ynda ki la nang kin lah pat ban kamai jakpoh da kaba shna bad die ia kitei ki tiar.
La kdew ruh ba ka jingpahuh jong ka thaiñ ha ka jingdon ia ki kynja siej kan long ka jingkyrkhu kaba khraw na ka bynta katei ka prokram.
Ia katei ka prokram la wan ban plie da u Swami Tarananda, Asst. Secretary, Ramkrishna Mission Ashrama, Sohra bad Lyngksiar N. Khongwir, Structure Designer, North East Centre for Technology Application & Reach (NECTAR) kum u nongpyniaid ia ka prokram.
