-->

Shah kem u myntri barim ka Tripura ha Delhi halor ka jingkynnoh jrong kti ia ka samla pule

Date:

Share post:

New Delhi, Jylliew 30: U Myntri barim ka Tripura u ba dei ruh u MLA ka IPFT ba mynta, u Mevar Kumar Jamatia u la shah kem noh ha ki pulit ha ka sngi Balang ba la lah na Delhi hadien ba kawei ka samla pule ka la leit ujor halor ka jingkynnoh jrong kti pyrshah ia ka.

Baroh arngut, kata une u nongmihkhmat bad kane ka nong ujor ki sah hapoh Tripura Bhavan ka ba don ha Kautilya Marg, New Delhi. Ki bor sorkar ki la ong hadien ba kane ka samla pule ka ba dei hi ka trai shnong riewlum ka la ujor pyrshah ia u Jamatia hapoh Kautilya Marg police station, kumta ruh na ka liang ki pulit ki la ialam noh ia ki baroh arngut shapoh police station na ka bynta ban pynlong shuh shuh ka jingtohkit.

Hadien ba ka sorkar synrop Indigenous People’s Front of Tripura (IPFT) ba la lamkhmat da ka BJP ka la wan ha ka bor ha u bnai Lber 2018,u General Secretary ka IPFT u Jamtia bad u President u Narendra Chandra Debbarma ki la ioh bat kum ki myntri sorkar.

Dang shen namar ka jingiakynad hapoh ka party na ka liang u Jamatia u la pynjngai noh ia lade na ka IPFT bad ka kurim jong u, ka Gita Debbarma ka la pyniasoh bad ka TIPRA (Tipraha Indigenous Progressive Regional Alliance) ba la lamkhmat da u dkhot ka longiing ba riewspah ka Tripura u Pradyot Bikram Manikya Deb Barman ka ba la pynmih ruh ia ka khubor ba u Jamatia ruh u lah ban pyniasoh bad ka TIPRA party.

U Jamatia u la shah weng noh na ka kam ka ba u bat hapoh ka sorkar ba la lamkhmat da u Myntri Rangbah Manik Saha ha u bnai Jymmang ba la dep bad u Prem Kumar Reang u la shimti bujli ha ka jaka jong u kum u dkhot ka IPFT.

Share post:

-->
spot_img

Popular

More like this
Related

Dawa ka HBDRF na ka sorkar ban siew bai lutksan ia ki nongrep ka Lapangap

Shillong, Risaw 11: Ka Hynniewtrep Border Dispute Redressal Forum...

Jop ka Synod & Public School ha ka jingiakob rwai tynrai

Shillong, Risaw 11: Ka 3rd State Level Inter-School Traditional...

Thang Sharak ka seng Congress ban pyrshah ia ka jingshah pyniap ki heprit ha ka jylla

Shillong, Risaw 11: Ka Congress hynne ka sngi Saitjain...

Pynliem ka Mylliem da 1-0 ia ka Nangkiew Irat

Shillong, Risaw 11: Ka Mylliem kala jop da 1-0...