Guwahati, Nailur 26 :Uwei u dkhot jong ka kynhun seng lehnoh ULFA-I ula shah kem noh ha ka jingkhynra jong ki pulit ka Assam ha ryngkat ki bor shipai ha ki bynta jong ka Charaideo district ka Assam.
Ki bor shipai na ka Joypur Battalion jong ka Red Shield Division ha ryngkat ki bor pulit ka jylla kila ioh ban kem noh ia u dkhot ba shitrhem jong ka ULFA-I na ki bynta jong ka Sonari kaba hap hapoh Charaideo district ha kane ka miet sngi Saitjain ba la lah, ong ka khubor shipai hynnin ka sngi U Blei.
“Ka jingkloi jong ki bor pahara kala wanrah ia ka jingshah kem noh jong utei u dkhot ka ULFA-I ha kaba la ioh ruh ban kurup ia kawei ka pistol 7.65 mm nalor ki kuli,” ong shuh shuh ka khubor ka tnat shipai.
