Nongpoh, Nailur 26: Ka ding kaba klang bha kala bam duh ia kawei ka karkhana jri kaba don ha 11 mer, Mawsmai Basti kaba hap hapoh ka Khanapara Police Station bad ka jingjulor kala kot da ki phew lak tyngka.
Kane ka jingjia kala jia hynne ka step sngi nyngkong ha ka por 7.30 baje eiei, ong ka khubor Pulit.
Ki Pulit ki iathuh ba kane ka jingkem ding kala mih kynsan na ka jing syang tdem ia ka jri kaba la buh kynton ha ka Resource Rubber Plant, kaba don hapdeng jong ka Shnong.
Ia kane ka jingjia la pyntip da ki paidbah sha ki Pulit bad ka Tnad pynlip ding, kila la poi mar mar ha ryngkat ki kali pynlip ding kiba wan na Jylla Meghalaya bad na Assam ruh kumjuh.
Ia kane ka ding la lah ban tem hadien shikynta tam eiei bad la pyntip ba haduh 4 ton eiei ka jri kaba la aiktien hapoh ka karkhana, kala iing bad kylla dpei. Ha kajuh ka por, ki Nongtrei jong kane ka karkahan kila ioh ban sei noh ia kiba bun ka jri na karkhana shuwa ba kin kem ding.
Kane ka jingjia kala pynsyier bad pynrit mynsiem ia ki paidbah nongshongshnong ka thain namar ka jingsheptieng ioh ka ding ka pur sha ka shnong ka thaw.
