Shillong, Jylliew 19: U wei u briew Donald Sohtun u la shah kem ha ki pulit ka Rynjah Police Station hadien ba u la shah kynnoh ba u pyniap ia la ka jong ka lok, ka Priya Khongstia bad u la ieh ia ka met ha iing da kaba kyllain ha kawei ka blanket ha ka iing wai ba ki sah ha Nongrah Nonglum, Shillong.
Kane ka jingjia la suba jur ba ka lah ban dei kaba jia ha ka 25 haduh ka 28 tarik u bnai Jymmang, hynrei kane ka kam kala paw paidbah ha ka 30 tarik u bnai Jymmang, ha kaba ki trai iing kila lap ia ka met jong ka Priya bad mar mar kila pyntip noh sha ki Pulit.
Katkum ka jingtip, la kynnoh ba u Donald ula ksih bad pduh na ki bynta jong ka khlieh ha shwa ba un leit phet sha la ka iing kmie sha Mylliem Mawpynthih.
Ia u Donald la kem noh ha ka 30 tarik u Jymmang da ki Pulit ka Rynjah Police Station hadien ka jingmudui ejahar na ka liang kiba ha iing bad kumjuh ruh u trai iing.
Ki bahaiing kila ioh ban ia kren khatduh ia ka Priya ha ka 25 tarik u bnai Jymmang bad hadien kane ym shym la ioh shuh ban ia kren. La iathuh ba kine ki shijur kila sdang ban ia sah lang ryngkat mynta dang kumba lai bnai eiei.
Halor kane ka jingjia, ki pulit kila dang pynlong ia ka jingtohkit.
