Guwahati, Nailur 18 : Ka kynhun iakhun pyrshah bamsap na ka tnat pulit ka Assam hynnin ka sngi Saitjain kala kem noh ia arngut ki heh sorkar halor ki jingkynnoh kam bamsap.
“Ia kine ki heh sorkar la kem noh da ka tnat iakhun bamsap katba ki dang pdiang ia ka pisa bamsap ha la ki jong ki jingjia kiba la jia hynnin ka sngi Saitjain, ” Ong ka khubor heh sorkar.
Da ka ba pynshong nongrim halor ka jingujor, ki dkhot na ka tnat Directorate of Vigilance and Anti-Corruption kila pynap shrip bad kem noh ia ka Jahnabi Kalita ka ba dei ka inspector of drugs, Jorhat, katba ka dang pdiang ia ka pisa bamsap kaba T 20,000 na ka bynta ban ai jingbit ban plie pharmacy.
Ka Kalita, kaba dei kanspector of Drugs ba la rim ka kala shah kem noh markhmat hynnin ka sngi Saitjain katba ka dang pdiang ia ka pisa bamsap, ong katei ka tnat.
Ha kawei pat ka jingpynap shrip ha katei ka juh ka sngi, uwei pat u heh sorkar uba bat kum u Senior Assistant jong ka tnat Revenue ha Bilaspara hapoh Dhubri, u Mahabub Mollah, u la shah kem noh katba u dang pdiang ia ka pisa bamsap kaba T. 4,000.
U Mullah la kynnoh ba ula dawa pisa na ka bynta ban pyniaid shakhmat ha ka ba iadei bad ka jingthew jingwoh jaka hadien ba ka jingujor kala poi sha katei ka tnat pyrshah ia u.
Ka jingtohkit halor kine ki jingjia kila iaid shakhmat bad la rejistar case pyrshah ia ki.
