Imphal, Jylliew 29 :Ki bor pulit ha Churachandpur district ka Manipur ki la kem noh ia kumba 80 ngut ki nongshong shnong ka Myanmar na ki bynta jong ka Vaal Vengka hapoh Churachandpur district ka Manipur.
Ki pulit ka Manipur ki la pynlong ia ki jingkhynra ha ki ba bun ki jaka ha ki bynta jong ka Vaal Veng ka ba hapoh Churachandpur district ka Manipur hadien ba ki la ioh ban kem noh ia kine ki nong Myanmar. Ha ka jingkhynra ka ba nyngkong ki pulit ki la ioh ban kem ia 40 ngut ki nong Myanmar na ki artylli ki iingwai. Ha kawei pat ka jingkhynra ki pulit ki la ioh ban kem sa ia 40 ngut kiwei pat ki nong Myanmar.
Napdeng kine ki nong Myanmar ki ba la shah kem ki kynthup ia 25 ngut ki shynrang, 35 ngut ki kynthei bad 20 ngut ki khynnah ia ki ba la pynkit noh shapoh Churachandpur district.
Ha kawei pat ka bynta ki pulit ki la ujor da ka FIR hapoh Churachandpur police station bad ia kine ki briew la pynngat ha ki kyndon ain foreigners’ act.
